ICC (ઇન્ટરનેશનલ ક્રિકેટ કાઉન્સિલ)એ 2027 પુરુષોની વન-ડે વર્લ્ડ કપ માટે 12 યજમાન શહેરોની સત્તાવાર જાહેરાત કરી છે. ટુર્નામેન્ટનું આયોજન 4 ઓક્ટોબરથી 21 નવેમ્બર, 2027 દરમિયાન સાઉથ આફ્રિકા, ઝિમ્બાબ્વે અને નામિબિયામાં થશે. 2003 બાદ પ્રથમ વખત વન-ડે વર્લ્ડ કપ ફરી આફ્રિકાની ધરતી પર રમાશે.
12 યજમાન શહેરો જાહેર
2027 વર્લ્ડ કપ માટે ત્રણ દેશોના કુલ 12 શહેરોને યજમાની સોંપવામાં આવી છે.
સાઉથ આફ્રિકા (8 શહેરો)
- જોહાનિસબર્ગ
- સેન્ચુરિયન
- ડર્બન
- ગ્કેબેર્હા (Gqeberha)
- મબોમ્બેલા (Mbombela)
- કેપટાઉન
- પાર્લ
- બ્લોમફોન્ટેન
ઝિમ્બાબ્વે (3 શહેરો)
- હરારે
- બુલાવાયો
- વિક્ટોરિયા ફોલ્સ
નામિબિયા (1 શહેર)
-
વિન્ડહોક
24 વર્ષ બાદ આફ્રિકામાં વર્લ્ડ કપ
છેલ્લે 2003માં સાઉથ આફ્રિકા, ઝિમ્બાબ્વે અને કેન્યાએ સંયુક્ત રીતે વન-ડે વર્લ્ડ કપનું આયોજન કર્યું હતું. ત્યારબાદ 2027માં ફરી આફ્રિકા આ પ્રતિષ્ઠિત ટુર્નામેન્ટની યજમાની કરશે.
નામિબિયા માટે પણ આ ઐતિહાસિક ક્ષણ છે, કારણ કે દેશ પ્રથમ વખત કોઈ સિનિયર ICC વૈશ્વિક ટુર્નામેન્ટની યજમાની કરશે.
14 ટીમો સાથે રમાશે ટુર્નામેન્ટ
2027 વન-ડે વર્લ્ડ કપમાં કુલ 14 ટીમો ભાગ લેશે. ICC દ્વારા મંજૂર કરાયેલા નવા ફોર્મેટ મુજબ ટુર્નામેન્ટ ત્રણ તબક્કામાં યોજાશે.
- શરૂઆતમાં ક્વોલિફિકેશન સ્ટેજ રહેશે.
- ત્યારબાદ મુખ્ય ટુર્નામેન્ટમાં ટીમોને બે ગ્રુપમાં વહેંચવામાં આવશે.
- ત્યાર પછી સુપર રાઉન્ડ યોજાશે, જ્યાંથી ટોચની ચાર ટીમો સેમિફાઇનલમાં પ્રવેશ કરશે.
- સેમિફાઇનલના વિજેતાઓ વચ્ચે ફાઇનલ રમાશે.
ICCના જણાવ્યા અનુસાર આ નવા ફોર્મેટનો હેતુ વધુ સ્પર્ધાત્મક અને રોમાંચક ટુર્નામેન્ટ રજૂ કરવાનો છે.
ફાઇનલનું સ્થળ હજુ જાહેર થયું નથી
ICCએ હાલમાં માત્ર યજમાન શહેરોની જાહેરાત કરી છે. ફાઇનલ સહિતની તમામ મેચોનું સંપૂર્ણ શેડ્યૂલ અને કયા શહેરમાં કઈ મેચ રમાશે તેની માહિતી હજુ જાહેર કરવામાં આવી નથી. આગામી સમયમાં ICC દ્વારા સંપૂર્ણ કાર્યક્રમ જાહેર કરવામાં આવશે.
સોશિયલ મીડિયામાં અમારી સાથે જોડાવ