ટાટા ગ્રૂપની માલિકીની એરલાઇન કંપની એર ઇન્ડિયાએ પોતાના ગ્રાહકોના પ્રવાસને વધુ આરામદાયક અને ચિંતામુક્ત બનાવવા માટે એક મોટું અને પ્રશંસનીય કદમ ઉઠાવ્યું છે. એર ઇન્ડિયાએ પોતાની ઓફિશિયલ મોબાઇલ એપને તદ્દન નવા અંદાજ અને ગ્રાહક-લક્ષી ટેક્નોલોજી સાથે અપડેટ કરી છે.
ઘણીવાર એરપોર્ટ પર ફ્લાઇટ મોડી પડવા કે રદ થવાના કારણે મુસાફરો ભારે મુશ્કેલીમાં મુકાઈ જતા હોય છે અને હોટેલ કે કેબની સુવિધા મેળવવા માટે લાંબી લાઈનોમાં ઊભા રહેવું પડતું હોય છે. મુસાફરોની આ માનસિક અને શારીરિક પરેશાનીને સમજીને એર ઇન્ડિયાએ આ નવી એપમાં એક ખૂબ જ સંવેદનશીલ અને સ્માર્ટ ફીચર ઉમેર્યું છે.
મુસાફરોની ચિંતાનો કાયમી ઉકેલ
નવી ટેક્નોલોજી આધારિત આ એપમાં જો કોઈ ફ્લાઇટ મોડી પડશે કે અચાનક રદ થશે, તો મુસાફરે એરપોર્ટ પર દોડધામ કરવાની જરૂર નહીં રહે. એપની હોમ સ્ક્રીન પર જ મુસાફરને તાત્કાલિક મફત હોટેલ અને કેબ (ટેક્સી) બુકિંગની તમામ વિગતો સીધી જ મળી જશે. આ સુવિધા મુસાફરોને મુશ્કેલ સમયમાં મોટી આશ્વાસન અને સુરક્ષાની ભાવના આપશે.
પેમેન્ટ પ્રક્રિયા બની એકદમ સરળ અને ઝડપી
એપમાં નવું ઇન-હાઉસ બુકિંગ એન્જિન અને ખાસ 'પેમેન્ટ ઓર્કેસ્ટ્રેશન સિસ્ટમ' જોડવામાં આવી છે.
- ઝડપી બુકિંગ: નવું યુઝર ઇન્ટરફેસ ખૂબ જ ફાસ્ટ છે, જેથી ટિકિટ બુક કરતી વખતે એપ હેંગ થવાની સમસ્યા નહિ રહે.
- પારદર્શિતા: નવું પેમેન્ટ સિસ્ટમ વધુ ટ્રાન્સપરન્ટ છે, જેનાથી ટ્રાન્ઝેક્શન ફેલ થવાની સમસ્યા નહિવત થઈ જશે.
- વધુ ટ્રાફિક હેન્ડલિંગ: હવે એકસાથે લાખો લોકો આ એપનો ઉપયોગ કરશે તો પણ પેમેન્ટ સિસ્ટમ કોઈ પણ અટકાવ વગર સરળતાથી કામ કરશે.
એર ઇન્ડિયાનું આ નવું ડિજિટલ અપડેટ માત્ર ટેક્નોલોજી પૂરતું મર્યાદિત નથી, પરંતુ તે મુસાફરો પ્રત્યેની કાળજી અને તેમની લાગણીઓને સમજીને લેવાયેલું એક સકારાત્મક પગલું છે.
સોશિયલ મીડિયામાં અમારી સાથે જોડાવ