શ્રીલંકાને ફાઇનલમાં 147 રનથી હરાવી ભારતે એશિયન ગેમ્સમાં સતત બીજી વખત મહિલા ક્રિકેટનો ગોલ્ડ મેડલ જીત્યો
એશિયન ગેમ્સ 2026માં ભારતીય મહિલા ક્રિકેટ ટીમે શાનદાર પ્રદર્શન કરીને ગોલ્ડ મેડલ પોતાના નામે કર્યો છે. જાપાનના આઈચી-નાગોયામાં રમાયેલી ફાઇનલ મેચમાં ભારતે શ્રીલંકાને 147 રનથી હરાવીને સુવર્ણ ચંદ્રક જીત્યો હતો.
ફાઇનલમાં પ્રથમ બેટિંગ કરવા ઉતરેલી ભારતીય ટીમે 20 ઓવરમાં 3 વિકેટે 216 રનનો મોટો સ્કોર બનાવ્યો હતો. ટીમ માટે સ્મૃતિ મંધાનાએ 79 રનની મહત્વપૂર્ણ ઇનિંગ રમી, જ્યારે શેફાલી વર્માએ 48 રનનું યોગદાન આપ્યું. ભારતીય બેટર્સના શાનદાર પ્રદર્શનના કારણે ટીમે શ્રીલંકા સામે મોટો લક્ષ્યાંક મૂક્યો હતો.
લક્ષ્યાંકનો પીછો કરવા ઉતરેલી શ્રીલંકાની ટીમ ભારતીય બોલિંગ સામે ટકી શકી નહોતી અને માત્ર 69 રનમાં ઓલઆઉટ થઈ ગઈ હતી. પરિણામે ભારતે 147 રનની મોટી જીત મેળવીને ગોલ્ડ મેડલ પર કબજો કર્યો.
આ જીત સાથે ભારતીય મહિલા ક્રિકેટ ટીમે એશિયન ગેમ્સમાં સતત બીજી વખત ગોલ્ડ મેડલ જીત્યો છે. ટીમના આ પ્રદર્શનથી ભારતીય ક્રિકેટ ચાહકોમાં ખુશીનો માહોલ જોવા મળ્યો છે.
સોશિયલ મીડિયામાં અમારી સાથે જોડાવ