જે ક્ષણની રાહ પશ્ચિમ બંગાળ સહિત સમગ્ર દેશ આતુરતાથી જોઈ રહ્યો હતો, તે આજે (સોમવાર, 04 મે 2026) આવી પહોંચી છે. રાજ્યમાં યોજાયેલી વિધાનસભા ચૂંટણીના પરિણામો આજે જાહેર થવાના છે. બંગાળના 77 મતગણતરી કેન્દ્રોમાં કાઉન્ટિંગ પ્રક્રિયા શરૂ થઈ ગઈ છે. દરેક કેન્દ્ર પર કડક સુરક્ષા વ્યવસ્થા ગોઠવવામાં આવી છે અને સમગ્ર પ્રક્રિયા CCTV કેમેરાની નજર હેઠળ ચાલી રહી છે. ચૂંટણી પંચ દ્વારા 165 વધારાના કાઉન્ટિંગ ઓબ્ઝર્વર્સ અને 77 પોલીસ ઓબ્ઝર્વર્સની પણ નિયુક્તિ કરવામાં આવી છે.
બંગાળમાં તણાવભર્યું રાજકીય માહોલ
હાલ બંગાળની રાજનીતિમાં એક જ ચર્ચા ગરમાઈ રહી છે—આ વખતે સત્તામાં ફેરફાર થશે કે ‘દીદી’નો દબદબો યથાવત રહેશે? સત્તાધારી TMC પોતાના ગઢને બચાવવા સંપૂર્ણ તાકાત લગાવી રહી છે, જ્યારે ભારતીય જનતા પાર્ટી પરિવર્તનના સૂત્ર સાથે જોરદાર ટક્કર આપી રહી છે.
જનતાનો મિજાજ કઈ તરફ?
બંગાળના મતદારોનો વલણ સમજવું હંમેશા મુશ્કેલ રહ્યું છે. અહીંની ચૂંટણી માત્ર સીટોની જંગ નથી, પરંતુ વિચારધારા અને અસ્તિત્વની લડાઈ પણ છે. શું મમતા બેનર્જીની લોકલક્ષી યોજનાઓ ફરી એકવાર જીત અપાવશે? કે પછી આ વખતે વિરોધી લહેર ઈતિહાસ લખશે?
સોશિયલ મીડિયામાં અમારી સાથે જોડાવ