કોમનવેલ્થ ગેમ્સ 2026: દિલીપ ગાવિતે ગેમ્સ રેકોર્ડ સાથે જીત્યો ગોલ્ડ, મુરલી શ્રીશંકરને સિલ્વર; ભારતના કુલ 15 મેડલ

કોમનવેલ્થ ગેમ્સ 2026માં ભારતે વધુ ત્રણ મેડલ જીતીને પોતાની મેડલ ટેલીમાં વધારો કર્યો છે. પેરા એથ્લેટિક્સમાં દિલીપ મહાદુ ગાવિતે પુરુષોની 100 મીટર T47 સ્પર્ધામાં 10.71 સેકન્ડના ગેમ્સ રેકોર્ડ સાથે ગોલ્ડ મેડલ જીત્યો, જ્યારે ભારતના જ મોહમ્મદ બાસિલે 10.83 સેકન્ડ સાથે સિલ્વર મેડલ મેળવ્યો. બીજી તરફ, એથ્લેટિક્સમાં મુરલી શ્રીશંકરે 8.09 મીટરની છલાંગ સાથે પુરુષોની લોંગ જમ્પમાં સિલ્વર મેડલ જીત્યો.

આ પરિણામો બાદ ભારતના ખાતામાં કુલ 15 મેડલ (3 ગોલ્ડ, 9 સિલ્વર અને 3 બ્રોન્ઝ) થયા છે અને ભારત મેડલ ટેલીમાં 8મા સ્થાન પર પહોંચી ગયું છે.

દિલીપ ગાવિતે રચ્યો ગેમ્સ રેકોર્ડ

મહારાષ્ટ્રના પેરા સ્પ્રિન્ટર દિલીપ મહાદુ ગાવિતે પુરુષોની 100 મીટર T47 સ્પર્ધામાં શાનદાર પ્રદર્શન કરતાં 10.71 સેકન્ડમાં રેસ પૂર્ણ કરી ગેમ્સ રેકોર્ડ સાથે ગોલ્ડ મેડલ જીત્યો. આ જ સ્પર્ધામાં ભારતના મોહમ્મદ બાસિલે સિલ્વર જીતતા ભારતે ઐતિહાસિક 1-2 ફિનિશ નોંધાવી.

મુરલી શ્રીશંકરને સતત બીજી વખત સિલ્વર

ભારતના સ્ટાર લોંગ જમ્પર મુરલી શ્રીશંકરે 8.09 મીટરની શ્રેષ્ઠ છલાંગ લગાવી સિલ્વર મેડલ જીત્યો. જમૈકાના તજય ગેલે 8.15 મીટર સાથે ગોલ્ડ મેડલ મેળવ્યો. શ્રીશંકર સતત બીજી કોમનવેલ્થ ગેમ્સમાં સિલ્વર જીતનારા ભારતીય બન્યા.

ભારતની મેડલ ટેલી (Day 7 બાદ)

કોમનવેલ્થ ગેમ્સ 2026: ભારતના મેડલ વિજેતાઓ

બોક્સિંગમાં ભારતની મેડલ આશા મજબૂત

ભારતીય બોક્સરોએ પણ શાનદાર પ્રદર્શન કર્યું છે. જાસ્મિન લેમ્બોરિયા સહિત અનેક ભારતીય બોક્સરો સેમિફાઇનલમાં પહોંચ્યા છે. કોમનવેલ્થ ગેમ્સના નિયમો મુજબ બોક્સિંગમાં સેમિફાઇનલમાં પહોંચતા જ ઓછામાં ઓછો બ્રોન્ઝ મેડલ નિશ્ચિત થઈ જાય છે. તેથી ભારતે બોક્સિંગમાં ઓછામાં ઓછા 10 મેડલ નિશ્ચિત કરી દીધા છે, જે હજુ સત્તાવાર મેડલ ટેલીમાં ઉમેરાયા નથી.