કેન્દ્ર સરકારના IndiaAI Mission હેઠળ ગુજરાતને આર્ટિફિશિયલ ઇન્ટેલિજન્સ (AI) ક્ષેત્રે મોટું પ્રોત્સાહન મળ્યું છે. રાજ્યમાં 20 ઔદ્યોગિક તાલીમ સંસ્થાઓ (ITI) અને 17 પોલિટેકનિક સહિત કુલ 37 શૈક્ષણિક સંસ્થાઓને Data અને AI Labs સ્થાપવા માટે પસંદ કરવામાં આવી છે. આ માહિતી રાજ્યસભામાં સાંસદ પરિમલ નથવાણી દ્વારા પૂછાયેલા પ્રશ્નના જવાબમાં ઇલેક્ટ્રોનિક્સ અને માહિતી પ્રૌદ્યોગિકી રાજ્યમંત્રી જિતિન પ્રસાદએ આપી હતી.
AI અને Data Scienceની તાલીમ મળશે
IndiaAI Missionના FutureSkills કાર્યક્રમ હેઠળ શરૂ થનારી આ લેબ્સમાં વિદ્યાર્થીઓને Artificial Intelligence (AI), Data Annotation, Data Curation અને Applied Data Science જેવા આધુનિક વિષયોમાં તાલીમ આપવામાં આવશે. આ પહેલનો હેતુ વિદ્યાર્થીઓને ઉદ્યોગની જરૂરિયાત મુજબનું કૌશલ્ય પૂરું પાડવાનો છે.
ગુજરાતને 2 AI Centres of Excellence
રાજ્યમંત્રીના જણાવ્યા મુજબ IndiaAI Startup Financing હેઠળ ગુજરાતમાં બે AI Centres of Excellence (AI-CoEs) ફાળવવામાં આવ્યા છે. આ કેન્દ્રો રાજ્યના સ્ટાર્ટઅપ્સ, MSME અને શૈક્ષણિક સંસ્થાઓને AI આધારિત સંશોધન અને નવીનતા માટે સહયોગ આપશે.
23 AI Fellowshipની ફાળવણી
ગુજરાતને કુલ 23 IndiaAI Fellowship પણ આપવામાં આવી છે. તેમાં:
- અંડરગ્રેજ્યુએટ – 4
- પોસ્ટગ્રેજ્યુએટ – 12
- PhD રિસર્ચ – 7
આ ફેલોશિપ રાજ્યમાં AI સંશોધન અને ઉચ્ચ શિક્ષણને વધુ મજબૂત બનાવશે.
સબસિડી સાથે GPU Compute સુવિધા
IndiaAI Compute કાર્યક્રમ હેઠળ સ્ટાર્ટઅપ્સ, સંશોધકો, MSME અને શૈક્ષણિક સંસ્થાઓને આશરે ₹65 પ્રતિ GPU-કલાકના સબસિડી દરે હાઇ-પરફોર્મન્સ કમ્પ્યુટિંગ સુવિધા ઉપલબ્ધ કરાવવામાં આવી રહી છે. ગુજરાતમાં ગુજરાત ઇન્ફોર્મેટિક્સ લિમિટેડ (GIL) અને AMUL સહિતની સંસ્થાઓને પણ આ સુવિધાનો લાભ આપવામાં આવ્યો છે.
₹10,371.92 કરોડનું IndiaAI Mission
કેન્દ્ર સરકારે 7 માર્ચ, 2024ના રોજ પાંચ વર્ષ માટે ₹10,371.92 કરોડના બજેટ સાથે IndiaAI Missionને મંજૂરી આપી હતી. આ મિશનના મુખ્ય સ્તંભોમાં IndiaAI Compute, Foundation Models, AIKosh, Application Development Initiative, FutureSkills, Startup Financing અને Safe & Trusted AIનો સમાવેશ થાય છે.
સોશિયલ મીડિયામાં અમારી સાથે જોડાવ